Mömmukökur Miðbæjarættarinnar

Þessar mömmukökur eru frá Jöggu móðursystur (ömmu Þorfinnu upphaflega) og eru þær bestu í heimi.
Okkar mömmukökur eru ferhyrndar og á ég sérstakt mömmukökumót sem móða lét gera handa mér (hún er einstök). 

Innihald:

• 1 kg. hveiti
• 250 gr. smjör
• 250 gr. sykur
• 500 gr. síróp
• 4 tsk engifer
• 2 tsk natron
• 3 egg

Hitið smjör, síróp og sykur saman að suðu, kælið. Bætið eggi út í og blandið saman. Bætið þurrefnum út í og hrærið þar til úr verður sprungulaust deig. Látið deigið bíða á köldum stað. 
Fletjið deigið frekar þunnt út og stingið út kökur. 
Raðið á ofnplötur og bakið í u.þ.b. 6-8 mínútur við 180°c (170°c á blæstri).
Kælið og setjið smjörkrem á milli.